НАТО и ЕУ ја претставија работната група за борба против заканите по критичната инфраструктура

АНКАРА (АА) - Организацијата на Северноатлантскиот договор (НАТО) и Европската Унија (ЕУ) се договорија да формираат заедничка работна група за „отпор и заштита на критичната инфраструктура“, јавува Агенција Анадолија (АА).

„Основната цел на работната група ќе биде да ги направи нашата критична инфраструктура, технологијата и синџирите на снабдување поотпорни на потенцијални закани и да преземе акција за ублажување на потенцијалната ранливост“, изјави генералниот секретар на НАТО, Јенс Столтенберг, на прес-конференцијата со претседателката на Европската комисија, Урсула фон дер Лајен во Брисел.

Во однос на конфликтот во Украина, Столтенберг рече дека „поддршката на НАТО и ЕУ прави вистинска разлика на терен“ и нагласи дека тие „треба да направат уште повеќе во овој критичен момент од војната“.

Фон дер Лајен истакна дека соработката меѓу ЕУ и НАТО „само се продлабочи и порасна... (и) сега нашето партнерство го носиме на следното ниво“.

„Ова се случува зад кулисите на зголемената геополитичка конкуренција. Знаеме дека нашите противници и нашите конкуренти ги користат сите можни алатки за да не предизвикаат и да ја поткопаат нашата безбедност“, рече Фон Лајен и додаде:

„Затоа е многу важно да застанеме заедно и да ја зајакнеме нашата отпорност во целина.“