Над 1.000 луѓе се евакуирани по нападот со дрон во Украина, кој предизвика пожар во руско складиште за гориво на Крим

МОСКВА (АА) - Повеќе од 1.000 луѓе се евакуирани од околните области на најголемото руско складиште за гориво на полуостровот Крим, по еден ден откако напад на украинско беспилотно летало предизвика пожар, соопштија локалните власти денес, јавува Анадолу.

Украинско беспилотно летало вчера го нападна најголемото складиште за гориво во Феодосија, град со речиси 70.000 жители лоциран на Црното Море, што резултираше со голем пожар што предизвика евакуација на стотици луѓе.

Рускиот канал на Телеграм објави видео од пожарот што следуваше по неколкуте експлозии, како и патоказ за селото Берехове, во близина на Феодосија.

„За безбедност на оние што живеат во близина на несреќата, 1.047 лица се преместени во објекти за привремено сместување“, објави на Телеграм Игор Ткаченко, шеф на градската администрација.

Тој додаде дека гаснењето на пожарот сѐ уште е во тек, а сите вклучени служби се во постојан контакт со оперативниот штаб.

Според првичните информации, нема евидентирани жртви. Во градот беше прогласена вонредна состојба од локални размери.

Во меѓувреме, украинскиот Генералштаб соопшти рече дека неговите сили успешно го погодиле складиштето за гориво во Феодосија.