Ahmet Gençtürk
09 Септември 2024•Ажурирај: 10 Септември 2024
АТИНА (АА) - Зајакнувањето на воените капацитети на Грција е меѓу приоритетите на Владата, изјави денес грчкиот премиер Киријакос Мицотакис, јавува Анадолу.
„Никогаш немав никакви илузии и секогаш бев реален за зближувањето со Туркије“, рече Мицотакис за време на прес-конференцијата во Солун.
Истакнувајќи дека е важно фокусирањето на позитивната страна на подобрувањето на односите со соседната земја, тој укажа на зголемениот број турски туристи кои ги посетуваат грчките острови во источниот дел на Егејското Море преку шемата за олеснување на визниот режим и успешната соработка меѓу Грција и Туркије во управувањето со нерегуларната миграцијa и видните резултати во подобрувањето на билатералните односи.
„Од друга страна, проблемите со Туркије остануваат“, рече тој.
„Сржта на турскиот ревизионизам не е променета. Доктрината Сина татковина (на Туркије) претставува директен предизвик за нашиот суверенитет“, рече тој.
Мицотакис истакна дека доктрината е и пречка за земјите да можат да започнат со преговори за демаркација на поморските граници, суштинскиот проблем меѓу Туркије и Грција.
„Ако верувавме дека ќе ги решиме нашите прашања со Туркије во наредните децении немаше да треба да инвестираме толку многу во зајакнувањето на одвраќачката моќ на нашите вооружени сили“, додаде тој.
Исто така, нагласувајќи дека Грција ги испитала и научила лекциите од руската војна во Украина, Мицотакис укажа на улогата што беспилотните летала ја одиграле во војната.
„Како такви, ние придаваме големо значење на поддршката на напорите за истражување и развој што ќе доведат до тоа Грција да произведува такви системи дома“, додаде тој.
