Израелската армија го разнесе влезот на џамија на Западниот Брег

РАМАЛА (АА) - Израелската армија го разнесе влезот на џамија во градот Тамун на Западниот Брег и им забрани на жителите да излегуваат на улица, известува Анадолу.

Палестинскиот активист Ајман Гариб за АА изјави дека влезот на џамијата Хузејфе Ибн ал Јемен во градот Тамун на северот на Западниот Брег бил нападнат од израелски сили.

Наведувајќи дека израелските војници ги продолжуваат нападите врз Тамун веќе четири дена, Гариб истакна дека Израел ова утро вовел полициски час и упаднале во домовите, приведувајќи Палестинци.

„Во некои случаи, за породувањето брзата помош се чека со часови“, рече Гариб.

Палестинското Министерство за здравство објави дека на 21 јануари се убиени 25 Палестинци во нападите на израелската армија врз градот Џенин и бегалскиот камп, како и околните подрачја на северниот дел на Западниот Брег.