За 9 месеци во Гвинејскиот Залив извршени 132 пиратски напади

ИСТАНБУЛ

Во првите 9 месеци од 2020 година извршени се 132 пиратски напади врз трговски бродови во Гвинејскиот Залив, известува Агенција Анадолија (АА).

Меѓународното поморско биро во извештајот објавен под наслов „Пиратски напади и вооружени грабежи на бродови“ наведе дека „во првите 9 месеци од 2020 година извршени се 132 пиратски напади, при што за откуп се киднапирани 85 морнари.“

Во извештајот се вели дека најголемиот број морнари се киднапирани во Гвинејскиот Залив, а трговските бродови биле цел на пиратски напади и во морските води на Нигерија, Бенин, Габон, Екваторијална Гвинеја и Гана.

Во извештајот се наведува дека 31 морнар се земени како заложници на бродовите.

Гвинејскиот Залив, во чии води се извршуваат напади на бродовите, познат е како најопасна морска област во светот.

Од вкупниот број пиратски напади во светот, 90% се извршуваат во Гвинејскиот Залив.

Според податоците на Меѓународното поморско биро, бројот на напади извршени во Гвинејскиот Залив во 2018 година изнесувал 78, а во 2019 година е зголемен на 119.