ЕУ назначи нов амбасадор во Турција

БРИСЕЛ

Високиот германски дипломат Николаус Мејер Ландрут беше номиниран за шеф на европската делегација во Турција, изјави шефот на ЕУ за надворешна политика, јавува Агенција Анадолија (АА).

Мејер Ландрут беше германски амбасадор во Франција и Монако од 2015 година.

Тој ќе го замени Кристијан Бергер, кој ја продолжи неговата кариера како европски амбасадор.

Назначувањето на високиот дипломат ќе биде официјално потврдено откако Турција ќе ја прифати неговата номинација.

Мејер Ландрут, кој е доктор на науки, во надворешните работи е од 1987 година.

Тој работеше во дипломатските претставништва на Германија во Виена и Брисел и како советник за прашања од ЕУ во Министерството за надворешни работи.

Помеѓу 2011 и 2015 година, тој беше главен советник на канцеларката Ангела Меркел за прашања од ЕУ.

Дипломатската делегација на ЕУ во Анкара е одговорна за одржување на дипломатските врски со турската влада и ги поддржува Царинската унија и разговорите за пристапување.