Експлозија на патнички автобус во Зимбабве: 42 загинати

ХАРАРЕ (АА) - Во јужноафриканската држава Зимбабве, дојде до експлозија на патнички автобус. Во несреќата животот го загубија 42 лица, а 20 се ранети, јавува Anadolu Agency (AA).

Полицијата соопшти дека во подрачјето на покраината Матабелеленд Југ се случила експлозија во еден патнички автобус.

Во експлозијата животот го загубиле најмалку 42 лица, а 20-мина се повредени.

Очевидците изјавија дека веројатно некој од патниците со себе носел плин или бензин и тоа е причина за експлозијата.

Полицијата не даде подетални информации во врска со несреќата, но соопшти дека некои од ранетите имаат сериозни изгореници.