Градоначалникот на Техеран: Во американско-израелските напади врз Иран за 10 дена погодени 9.000 цели

ИСТАНБУЛ (АА) - Американските и израелските сили нападнаа 9.000 цели во текот на првите 10 дена од војната против Иран, изјави денес градоначалникот на Техеран, Алиреза Закани, јави иранската државна телевизија, пренесува Анадолу.

Закани истакна дека за време на 12-дневната војна во јуни 2025 година, биле погодени вкупно 1.450 цели.

Тој додаде дека во градот се во тек големи операции за отстранување на урнатините.

Израел и САД започнаа заеднички напади врз Иран на 28 февруари. Иранските власти објавија дека во нападите досега загинале повеќе од 1.200 луѓе, вклучително и тогашниот врховен лидер, ајатолахот Али Хамнеи, а повредени се над 10.000.

Израел и САД претходно извршија напади врз Иран во јуни минатата година за време на рундата преговори меѓу САД и Иран со посредство на Оман.