Германски магазин „Шпигел“: Фронтекс и дава поддршка на Грција во туркањето на бегалците назад кон отворено море

БЕРЛИН

Постои тврдење дека Агенцијата за гранична безбедност на ЕУ - Фронтекс и дава поддршка на Грција во туркањето на бегалците кон отворено море, при што го крши меѓународното право и наместо да ги спасува, ги турка бегалските чамци кон турската поморска граница, известува Агенција Анадолија (АА).

Како резултат на истражувањето спроведено од германскиот магазин „Шпигел“, прв пат претставниците на Фронтекс биле свесни за нелегалните практики на грчките граничари, а во некои ситуации дури и самите биле вмешани во туркањето назад.

Новинарите на „Шпигел“ во текот на неколку месеци спроведоа истражување со некои меѓународни креатори на програми во Егејот, откривајќи дека кршењето на законот станало секојдневие на европските граници, при што ЕУ тоа го дозволува.

Врз основа на снимки, преписки и сведочења на очевидци, во извештајот се наведува дека грчките граничари ги туркале бегалците назад кон отворено море, а истрагите покажале дека и Фронтекс учествувал во нелегалните операции.

Според добиените информации, забележано е дека грчките безбедносни сили наместо да им ги земат податоците на барателите на азил коишто стапнале на грчките острови и сакале да дојдат во Европа, тие ги туркале повторно назад кон морето, оставајќи ги во гумени чамци на надувување. Сите овие активности се снимени од турската крајбрежна стража.

Во веста, во која се споделени информациите забележани од еден авион на Фронтекс за запирање на бегалци, се вели дека снимките изработени од авионот, во живо биле пренесени до седиштето на Фронтекс во Варшава, но од Фронтекс не била испратена никаква помош за спасување на бегалците во споменатото подрачје.

Иако „Шпигел“ и други медиумски органи ги имаат документирано поголемиот број од овие принудни враќања назад, грчката влада го негираше присилното враќање на бегалците во Турција.

- Бескрупулозните грчки граничари

Во веста, во која се нагласува дека грчките гранични службеници стануваат сè побескрупулозни, се потсетува дека дури и бегалците кои стигнале до грчките острови се враќаат назад во морето, истакнувајќи дека ваквите активности се спротивни на меѓународното право.

Како што се наведува во веста, грчките граничари кои барателите на азил ги туркаат директно кон Турција, од страна на локалното население на малку саркастичен начин се нарекуваат „грчки водени топови“.

Посочувајќи дека истиот ден брод на„Фронтекс“ под романско знаме бил во регионот, во веста се даваат следните проценки:

„Бродот на Фронтекс беше на само неколку стотици метри од чамецот со бегалци. И германски поморски брод, како дел од мисијата на НАТО, исто така го набудувал целиот инцидентот и го пријавил на сојузната влада. Сепак, туркањето наназад досега не му е соопштено на јавноста.

Официјалните лица на Фронтекс на 8-ми јуни отидоа еден чекор понапред. Повторно бродот „MAI 1103“ кој плови под романско знаме, директно блокираше брод со бегалци. Неколку видеа снимени од турската крајбрежна стража го покажуваат инцидентот: Полицајците стојат на палубата, а според она што може да се забележи, комуницирааат со бегалците кои пливаат во водата. Потоа создаваат бранови поминувајќи покрај бегалците со голема брзина. Бранови удираат во бродот со бегалци. Подоцна, романските претставници се повлекуваат и работата ја презема грчката крајбрежна стража.“

- Со масовното туркање на барателите на азил се крши морскиот закон

Во веста е дадено мислењето на Дана Шмалц, меѓународен адвокат од Институтот Макс Планк, која за ставот на Фронтекс ја даде следната изјава:

„Масовната одбивање на барателите на азил е кршење на законот на морето. Претставниците на Фронтекс се принудени веднаш да ги спасат луѓе ако запрат пренатрупан гумен чамец. Доколку не го сторат тоа и наместо тоа предизвикаат бранови оделечувајќи се, дозволувајќи им на Грците да ја извршат валканата работа, тогаш и тие се инволвирани во нелегално туркање назад.“

Се истакнува дека истражувањата покажале дека од април досега имало најмалку шест инциденти на туркање назад во кои е инволвиран и Фронтекс, при што Фронтекс не ги негирал овие индивидуални инциденти.

Според статутот на Фронтекс, полициските службеници треба да ги пријават законски прекршувања, но граничарите кои од цела Европа се испраќаат во Грција на неколку месеци, не сакаат со вакви извештаи земјата домаќин да ја стават во неволја.

Во веста исто така се истакнува дека иако испрашувањето на имигрантите било цензурирано, претставниците на Фронтекс биле постојано известувани за туркањето на мигрантите од страна на грчките безбедносни сили, но претставниците на Фронтекс во своите извештаи го избегнувале зборот туркање назад и наместо тоа зборуваат дека станува збор за „враќање“.

Фабрис Легери, директорот на Фронтекс испрати писмо до Европскиот парламент, во кое признава дека агенцијата од воздух изработила видеоснимка на која се гледа инцидент на туркање назад.