Во судир на демонстрантите и полицијата во САД приведени се 35 лица

АНКАРА (АА) - Во судир меѓу демонстрантите и полицијата во американската сојузна држава Џорџија приведени се 35 лица, известува Анадолу.

Полициската управа на градот Атланта (APD) соопшти дека дошло до судир меѓу полицијата и демонстрантите кои сакале да ја запрат изградбата на Центарот за обука за јавна безбедност во Атланта.

Во соопштението се наведува дека демонстрантите облечени во црно влегле во градилиштето и ги гаѓале претставниците на полицијата со големи камења, цигли, Молотови коктели и пиротехнички средства.

Полицијата информираше и дека демонстрантите го запалиле и уништиле материјалот на градилиштето. Приведени се 35 лица.

Во соопштението се додава дека е можно демонстрациите да продолжат и во наредните денови.