Во студената лава и поплавите што ја зафатија Индонезија настрадаа 67 лица

ИСТАНБУЛ (АА) - Бројот на загинати од поплавите и студената лава, мешавина од камења и вода, во индонезиската провинција Западна Суматра денес се искачи на 67, соопшти индонезиската агенција за управување со катастрофи, јавува Анадолу.

Абдул Мухари, висок функционер во Националната агенција за контрамерки при катастрофи, рече дека бројот на загинати се зголемил откако биле пронајдени повеќе тела, објави Антара њуз, пренесувајќи ја изјавата.

Околу 20 лица сѐ уште се водат како исчезнати, рече тој.

Бројот на повредени се искачи од 33 на 44, додаде Мухари.

„Сè уште сме во процес на пребарување и идентификација. Вкупниот број жртви може да се промени“, додаде Мухари.

Активниот вулкан Марапи првпат еруптираше минатиот декември, а подоцна повторно во јануари оваа година, пред неговата последна ерупција изминатата сабота.