Во напади на Асадовиот режим и Русија извршени минатиот месец во сириски Идлиб загинаа 188 цивили

ИСТАНБУЛ/ИДЛИБ (АА) - Канцеларијата за координација на интервенциите во Сирија соопшти дека 188 цивили загинале во минатомесечните напади на силите на Асадовиот режим и неговиот поддржувач Русија, во Идлиб, пренесува Агенција Анадолија (АА).

Според извештајот на Канцеларијата за координација, во бомбардирањата на силите на Асадовиот режим и Русија извршени минатиот месец во Идлиб од вкупно 188 загинати цивили 64 се деца.

Меѓу загинатите се и двајца вработени на Цивилната одбрана, како и еден здравствен работник.

Цел на минатомесечните напади на режимот и Русија беа 28 училишта, 7 шаторски градови, 11 здравствени објекти, 9 пазари, 19 места за богослужба, 5 центри на Цивилната одбрана, 3 хидроцентрали и 2 термоцентрали.