Во Аман се одржува состанок меѓу Туркије, Јордан, Ирак, Либан и Сирија за регионалната безбедност

АМАН/ИСТАНБУЛ (АА) - Состанокот меѓу Туркије, Јордан, Ирак, Либан и Сирија започна денес во главниот град на Јордан, Аман, на кој се собраа министрите за надворешни работи и за одбрана на петте земји, како и нивните шефови на разузнавачки служби и воени претставници, јавува Анадолу.

Од Туркије на состанокот присуствуваат министерот за надворешни работи Хакан Фидан, министерот за одбрана Јашар Ѓулер и шефот на Националната разузнавачка агенција (МИТ) Ибрахим Калин.

Вечерва се очекува да се одржи заедничка прес-конференција на министрите за надворешни работи на Туркије, Јордан, Ирак, Либан и Сирија.

Анкара придава големо значење на блиската соработка со земјите од регионот во одговорот на безбедносните закани во и надвор од нејзините граници.

Разговорите ќе се фокусираат на зајакнување на соработката во безбедноста, борбата против тероризмот и активностите за борба против организираниот криминал, како и на пошироката динамика во регионот.

Фидан, Ѓулер и Калин на 15 јануари одржаа слични средби со своите сириски колеги во Анкара, со јорданските колеги на 6 јануари исто во Анкара и со ирачките колеги на 14 март во Багдад.

Целта на состанокот е сеопфатно да се разгледаат областите на соработка и да се изнајдат решенија за регионалните прашања.