„Ер Франс“ ги откажа утрешните летови на линијата Париз - Киев

ПАРИЗ

Француската авиокомпанија „Ер Франс“ соопшти дека во вторник, 22 февруари, летовите меѓу Париз и Киев, главниот град на Украина, нема да се реализираат, пренесува Агенција Анадолија (АА).

Според вестите во локалните медиуми, базирани на соопштението на „Ер Франс“, компанијата ги откажала утрешните летови што беа планирани да се реализираат меѓу Париз и Киев во двата правци.

Во соопштението се наведува дека одлуката е донесена од претпазливост, имајќи ја предвид мобилноста во регионот и дека состојбата ќе се преоценува.

Засега нема откажување на летовите што се планирани да се организираат во недела.

Летовите на „Ер Франс“ помеѓу Париз и Киев се одвиваат двапати неделно, во вторник и недела.

На 19 февруари Франција побара од своите граѓани да ја напуштат Украина и да ги одложат планираните и несуштинските патувања во оваа земја.