АЧЕХ (АА) - Националната агенција за управување со катастрофи на Индонезија (BNPB) соопшти дека бројот на жртви од поплавите и лизгањата на земјиштето се искачи на 1.140, јавува Анадолу.

Според агенцијата, 163 лица сè уште се водат како исчезнати.

Снимките од терен покажуваат голем степен на штети предизвикани од поплавите и лизгањата на земјиштето во подрачјето на Ачех Тамијанг во индонезиската покраина Ачех.

Бури и циклони предизвикаа невидени поплави и свлечишта од почетокот на овој месец и нанесоа големи штети низ Јужна и Југоисточна Азија. Индонезија е најтешко погодена, по неа е Шри Ланка.