Унгарскиот премиер Орбан ја оцени неговата посета на Анкара

Унгарскиот премиер Виктор Орбан рече дека средбата со претседателот Реџеп Таип Ердоган во Анкара ја гледа како можност за ставање крај на војната и отворен прозорец за мир, известува Анадолу.

Премиерот Орбан сподели видео порака од посетата на Анкара на својот профил на социјалната мрежа X.

Истакнувајќи дека неговата земја ги ставила мирот и преговорите на агендата за време на претседавањето со Европската Унија (ЕУ), Орбан се осврна на важните посети што ги оствари во овој период.

Во видеото, кое вклучува слики од посета на Анкара и пречекот од страна на претседателот Ердоган, Орбан во објавата вели дека ја посетил Анкара по вчерашната средба со рускиот претседател Владимир Путин.

Зборувајќи дека се сретнал со претседателот Ердоган, Орбан средбата ја оцени како можност за ставање крај на војната и отворен прозорец за мир. Орбан наведе дека раководителите на ЕУ треба да разберат дека воената стратегија нема иднина.

Орбан рече дека не треба да се инсистира на војна и истакна дека треба да се зајакне одбранбениот капацитет на ЕУ и да се изгради нов одбранбен систем.

Наведувајќи дека пред да го добијат мандатот на претседавање со унијата никој не зборувал за мир, Орбан истакна дека Унгарија ја отворила врата за мир и дека сега може да се преземат чекори за почеток на преговорите.