Седница на владите на БиХ и Србија: Унапредување на соработката во управувањето со цврстиот отпад во сливот на реката Дрина

Советот на министри на Босна и Херцеговина и Владата на Република Србија, разгледувајќи ги активностите во областа на земјоделството и заштитата на животната средина, на предлог на Министерството за надворешна трговија и економски односи на БиХ, покренаа активности за унапредување на прекугранична соработка, со цел управување со цврстиот отпад во сливот на реката Дрина, за што ќе се разговара и со Владата на Црна Гора, јавува Anadolu Agency (AA).

Ова е заклучено на првата заедничка седница на владата на Босна и Херцеговина и Република Србија која се одржува во Сараево, а со која претседаваат претседателот на Советот на министри на БиХ и претседателот на Владата на Србија, Денис Звиздиќ и Александар Вучиќ.

На предлог на Министерството за земјоделство и зашита на животната средина на Република Србија, на сдницата е договорена соработка во областа на размена и пренесување искуства во областа на митигација и ускладување на националното со законодавството на ЕУ во областа на климатските промени, соопшти Советот на министри на БиХ.

На седницата е нагласена потребата за што поскоро заклучување на меморандумот за унапредување на соработката во земјоделството помеѓу Советот на министри на БиХ и Владата на Република Србија.

Делегацијата на Владата на Србија предводена од премиерот Вучиќ синоќа допатува во Сараево, а денеска откако српската делегација свечано ја дочека претседателот на Советот на министри на БиХ Денис Звиздиќ, во зградата на институцијата започна заедничката седница на двете земји.