Развиен електричен наногенератор кој се носи на облека

ПЕКИНГ (АА) – Научниците од Универзитетот „Џингџоу“, во истоимениот град во кинеската покраина Хунан, развија наногенератор кој ќе обезбеди енергија за мобилните електронски уреди при човечки движења, пренесува Anadolu Agency (AA).

Во веста на кинеската новинска агенција „Синхуа“ се истакнува дека e решен проблемот со полнењето на батериите на мобилните уреди што често се трошат. Исто така, се наведува дека водоотпорните мини-генератори се произведени од нановлакна. Тие се флексибилни, удобни за носење и можат да се мијат.

Во веста се посочува дека наногенераторите имаат памучна структура и можат да се залепат на облеката. Наногенераторите, механичката енергија што ја создава човекот при движење, ја претвораат во електрична енергија. Во веста се нагласува дека изумот ќе придонесе да се развијат електронски уреди со самополнење.

Студијата е објавена во списанието „Materials Chemistry A“.