Првиот турски астронаут патува во вселената на крајот на годинава: „Секој треба да биде горд на мисијата“

АНКАРА (АА) - Првиот патник во вселената од Туркије рече дека неговата мисија е сторија којашто треба да претставува гордост за сите, пишува Анадолу.

Говорејќи за Анадолу на најголемиот настан од областа на технологијата и аеровоздухопловството, ТЕХНОФЕСТ, во главниот град на Туркије, Анкара, Алпер Гезеравџи рече дека неговата 14-дневна мисија во ниската орбита на Земјата ќе се состои од научни експерименти.

Обуката започна во Соединетите Американски Држави (САД) во 2023 година и продолжува понатаму, а обуката се спроведува и во Јапонија и Германија, изјави тој.

Рече дека Турската вселенска агенција ќе го испрати во вселената на крајот на 2023 година.

„Мојот лимит на соништата беше небото, небото што можев да го видам со голи очи и авионите; тоа се моментите на следното патување“, рече тој. „Сега, патот до вселената е отворен, а нашите мали пријатели, младите генерации, треба да ги остварат своите соништа сè до длабоката вселена.“

Туркије ги избра Гезеравџи и Тува Џихангир Атасевер за први патници во вселената од Туркије на овогодишното издание на ТЕХНОФЕСТ во Истанбул.

Гезеравџи, инаку пилот во Турските воздухопловни сили, ќе биде испратен во Меѓународната вселенска станица, додека Атасевер, системски инженер во турскиот производител на ракети „Рокетсан“, од областа на системи за лансирање во вселената, беше избран како резервен кандидат.

Туркије ја основа Турската вселенска агенција во 2018 година и ја објави својата вселенска програма во 2019 година, како и вселенската мисија со екипаж.

„Но, кога првпат беше објавено дека ќе бидат избрани првите турски астронаути, јас се пријавив без двоумење“, рече Атасевер, кој додаде дека вселенска мисија била надвор од неговите концептуални граници.

Истакна дека тој и Гезеравџи дошле на ТЕХНОФЕСТ, а по настанот се враќаат во Хјустон, САД, за да продолжат со обуката.

„Ние добиваме секакви технички и теоретски информации за да ја спроведеме научната вселенска мисија на која ќе заминеме“, рече тој.

Атасевер ги советуваше младите да се држат за кое било поле што ги интересира, потенцирајќи ја важноста на амбициозните соништа кои потоа да се потрудат да ги претворат во реалност.