Игрите за Плејстејшн 4 ќе може да се играат на компјутер

АНКАРА (АА) – Љубителите на видеоигрите ќе можат да ги играат игрите за „Плејстејшн 4“ и на компјутер, јавува Anadolu Agency (AA).

Компанијата „Сони“ соопшти дека игрите за „Плејстејшн 4“ (PS 4) ќе бидат додадени во услугата „Плејстејшн сега“ (PS Now), платформа којашто овозможува да се играат игрите на компјутер, без тие претходно да бидат преземени.

Ќе започне тест-периодот за играње на игрите од конзолата ПС4 преку „ПС Сега“. Благодарение на „ПС Сега“ истата игра ќе може да продолжи да се игра на различни уреди.

Љубителите на видеоигрите ќе имаат можност една недела бесплатно да го тестираат „ПС Сега“. Месечната претплата ќе изнесува 19,99 долари, додека тримесечната претплата ќе биде 44,99 долари. Се очекува платформата „ПС Сега“ да биде пуштена во употреба во повеќе земји. Во моментов, „ПС Сега“ е достапна само во Белгија, Холандија и во Велика Британија.