АНТАЛИЈА (АА) - Денес во Аланија, во јужната турска област Анталија, започна втората етапа од 54. претседателска велосипедска тура „Tour of Turkey“, јавува Anadolu Agency (AA).
По вторпат, „Tour of Turkey“ се одржува во категоријата „Светски тури“.
Втората етапа започна во Анталија, а ќе заврши во истиот град, со рутата во должина од 149.6 километри.
Аргентинецот Максимилијано Ричезе вчера победи во првата етапа од турата во централната турска област Коња.
Ричезе, кој возеше за тимот Квик-Степ Флорс, победи на трката во должина од 148,4 километри која започна и заврши во Коња.
Второ место во првата етапа освои Ирецот Сем Бенет, кој вози за тимот Бора-Хансгрое, додека Жан-Пјер „Жемпи“ Друкер, велосипедист од Луксембург кој вози за тимот БМЦ, освои трето место.
По промоцијата во категоријата „Светска турнеја“, „Tour of Turkey“ се очекува да достигне голема публика, бидејќи се емитува во повеќе од 120 земји.
- Шестдневна тура од 950 километри -
Оваа година во турата ќе учествуваат 20 тима од различни делови на светот, вклучувајќи го и турскиот национален тим, во 950-километарската трка во шест етапи.
Во организација на Турската велосипедска федерација, претседателската велосипедска „Tour of Turkey“ своето деби го имаше во 1963 година, а две години подоцна стана меѓународна трка.
Во единствената од ваков вид велосипедска тура во светот, која поврзува два континента, велосипедистите, исто така ќе возат и низ тунелот „Евроазија“ под Босфорот, кој ги поврзува Европа и Азија.
Од тимовите на Светската тура, 9 се дел од 20-те тимови со вкупно 140 велосипедисти кои возат на овогодишната „Tour of Turkey“.
Оваа година, шестдневната тура започна вчера во Коња, а ќе заврши во Истанбул на 14 октомври.
Етапи:
Етапа 1: Коња - Коња / 9 октомври // 148.4 км
Етапа 2: Аланија - Анталија / 9 октомври // 149.6 км
Етапа 3: Фетије - Мармарис / 11 октомври // 132.7 км
Етапа 4: Мармарис - Селџук / 12 октомври // 205.5 км
Етапа 5: Селџук - Маниса / 13 октомври // 135.7 км
Етапа 6: Бурса - Истанбул / 14 октомври // 164 км
