ИДЛИБ (AA) - БУРАК КАРАЏАОГЛУ / АХМЕТ КАРААХМЕТ
Зејнеп Ашик (12 години), која ја загуби својата мајка во нападите на режимот на Башар ал Асад во Сирија и чиј татко беше убиен во камп, сама се грижи за својот брат, две сестри и нејзиниот болен дедо.
Мајката на Зејнеп го загуби животот во нападот организиран од режимот во кампот „Катра“, каде што се засолни пред четири години бегајќи од нападите извршени во село на исток од Идлиб.
Татко ѝ на Зејнеп почина во напад од непознат сторител. Оттогаш се грижи за нејзиниот болен дедо во импровизиран шатор и се обидува да биде и мајка и татко на нејзиниот брат Тејсир (11) и сестрите Нур (9) и Менар (7).
Зејнеп Ашик, која мораше да го напушти своето училиште во второ одделение за да се грижи за својот брат и сестрите, во изјавата за АА рече дека многу сака да се врати на училиште.
Дванаесетгодишната Ашик, која се соочи со тешкотии во животот на млада возраст и презеде голема одговорност, нагласи: „Јас се грижам за мојот брат и сестрите. Ја перам нивната облеката, им готвам оброци, го палам огнот во шпоретот за да се стоплат и ја чистам куќата.“
Зејнеп рече дека е загрижена кога децата се оддалечуваат од шаторот, кога играат и дека веднаш почнува да ги бара.
„Кога мојот брат и сестрите ќе видат дека другите деца си играат со своите родители, се обидувам да им бидам мајка и татко за да не го почувствуваат тој недостиг. Постојано се смеам и играм со нив, но смртта на мајка ми и татко ми ми го изгоре срцето“, рече Зејнеп Ашик.
Изјавувајќи дека сака да ги спаси животите на братот и сестрите во иднина, Зејнеп рече: „Доколку е потребно, ќе кршам камења за да им обезбедам сѐ што им треба.“
Седумдесет и седумгодишниот дедо Ахмет Ашик рече дека има проблеми со белите дробови и срцева слабост.
„Зејнеп има 12 години, но нејзината работа е како да има 25 години. Таа се грижи за нејзиниот брат и сестрите. Таа е и мајка и татко за нив.“
Наведувајќи дека не може да стане од кревет и дека се чувствува истоштено, Ашик повика за помош од внуците за да можат тие да живеат убаво и да се образоваат.
- Ситуацијата во Идлиб
Со посредство на Турција, Русија и Иран, за време на Мајските преговори во 2017 година во Астана, Идлиб беше прогласен за една од четирите зони на деескалација.
Силите лојални на режимот на Асад го прекршија договорот и зазедоа три зони, а во Сочи на 17 септември 2018 година беше постигнат дополнителен договор за примирје во Идлиб и за воспоставување деескалациска зона.
Турција во септември 2018 година во Сочи заедно со Русија се договорија за зајакнување на Договорот за прекин на огнот.
Русија и режимските сили започнаа операции за заземање на целиот регион во мај 2019 година и зазедоа неколку големи населби во деескалациската зона во Идлиб.
Конечно, во Москва на 5 март 2020 година беше постигнат нов договор меѓу Турција и Русија.
Примирјето, што режимските сили повремено го кршеа, во голема мера се применува.
Во периодот 2017 - 2020 година, речиси 2 милиони цивили беа принудени да мигрираат во регионите близу до границата со Турција поради нападите на режимските сили и Русија.
