26 Март 2024•Ажурирај: 27 Март 2024
ГАЗА (АА) - Гладот во северниот дел на Газа, под израелска опсада, продолжува да ги погодува бебињата и децата, а палестинските родители се принудени да им даваат на своите бебиња вода наместо млеко, јавува Анадолу.
Палестинецот Исмет Абдулхади е принуден да им дава на своите две ќерки да пијат вода бидејќи нема пристап до млеко.
Палестинскиот татко, чие бебе има само 20 дена, низ солзи раскажа дека на неговите ќерки им е потребно млеко и дека тие изгубиле на тежина поради неисхранетост.
Израел, кој е обвинет за геноцид, започна воена офанзива во Појасот Газа по прекуграничниот напад на Хамас на 7 октомври. Во израелските напади врз енклавата досега загинаа најмалку 32.414 Палестинци, а 74.787 се повредени.
По тужбата за геноцид поднесена од Јужноафриканската Република, Меѓународниот суд на правдата на 26 јануари пресуди дека Израел мора да се воздржи од какви било активности поврзани со убивање, напади и уништување на жителите на Појасот Газа и да ги преземе сите мерки за да спречи геноцид.
Шефот на израелската дипломатија Израел Кац на социјалната мрежа Х објави дека земјата нема да прекине со огнот.
„Ќе го уништиме Хамас и ќе продолжиме да се бориме додека последните киднапирани не се вратат дома“, наведе тој.
