Трамп порача дека размислува за можни санкции врз Русија поради тековните напади

Американскиот претседател Доналд Трамп изјави дека размислува за воведување санкции кон Русија и дека двете страни треба брзо да седнат на маса, посочувајќи дека руските напади врз Украина сѐ уште продолжуваат, известува Анадолу.

Американскиот претседател Трамп во објавата дадена на неговиот профил на платформата „Трут сошал“ упати порака за санкции до Русија.

„Врз основа на фактот дека Русија сè уште ја напаѓа Украина на бојното поле, размислувам за воведување големи банкарски санкции и царини за Русија додека не се постигне конечен договор за прекин на огнот и мир“, се вели во објавата на претседателот Трамп.

Трамп ја заврши објавата со зборовите „Мојот повик до Русија и Украина, веднаш сега седнете на маса пред да биде предоцна“, апелирајќи до двете страни да започнат мировни преговори што е можно поскоро.