Србија: Вучиќ најави доаѓање на милион вакцини против коронавирусот до март

БЕЛГРАД

Претседателот на Србија Александар Вучиќ изјави дека добил потврда дека Србија до март, во неколку, ќе добие околу милион вакцини против коронавирусот (Ковид-19), јавува Агенција Анадолија (АА).

„Од утрово имав повеќе важни телефонски разговори со нашите пријатели ширум светот. Пред почетокот на март ќе добиеме уште околу милион вакцини. Добив тврдо ветување", порача Вучиќ во видеопораката на официјалниот Инстаграм профил „Иднината на Србија".

Тој рече дека не се повикува на договори, бидејќи, како што појасни, според договорите Србија договорила 6,5 милиони вакцини, туку дека овој пат говори за реални вакцини.

Вучиќ додаде дека е горд на граѓаните на Србија бидејќи ја разбрале важноста на вакцинацијата.