Пожар избувна во зградата на Амбасадата на Пакистан во Белград

Во зградата на Амбасадата на Пакистан во населбата Дедиње во Белград, утринава избувна пожар, пренесува Анадолу.

Агенцијата „Танјуг“ пренесува дека на снимките објавени на социјалните мрежи може да се види дека пожарот избувнал на последниот кат, огнот зафатил дел од покривот, а пламени јазици избиваат низ прозорците.

Белградските медиуми пишуваат дека противпожарните екипи се на самото место. Во моментов не е познато дали има повредени.