На претседателските избори во Србија Вучиќ освои 59,2 отсто од гласовите, а на парламентарните коалицијата на СНС 43,3

БЕЛГРАД (АА) - Врз основа на резултатите, по обработените 89,12 отсто на избирачки места од страна на Републичката изборна комисија (RIK), во моментот, со 59,26 отсто, најмногу гласови на изборите за претседател на Република Србија освои кандидатот Александар Вучиќ, јавува Агенција Анадолија (АА).

По Вучиќ следуваат кандидатите на опозицијата Здравко Понош со 17,76 отсто гласови и Милош Јовановиќ со освоени 5,87 отсто од гласовите.

На вонредните парламентарни избори, кои во Србија се одвиваа заедно со претседателските избори, врз основа на 91,54 отсто од обработените избирачки места од страна на Републичката изборна комисија, во моментот најмногу гласови во Србија освои коалицијата „Заедно можеме се“ со Српската напредна партија СНС, на претседателот Александар Вучиќ, која освои 43,3 отсто.

На второто место со 13,3 отсто е коалицијата „Обединети за победа на Србија“, а на трето место е листата „Ивица Дачиќ- Премиер“ со 11,57 отсто од гласовите.

Коалицијата „Надеж“ има 5,29 отсто, „Мораме“ 4,38 отсто, „Двери-ПОКС“ со 3,86 отсто, „Заветници“ со 3,76 отсто.

Според податоците на комисијата, излезеноста е 58,6 отсто на претседателските избори, а на парламентарните избори излезноста е 58,5 отсто.

Претседателот на Србија и претседателот на Српската напредна партија (СНС) Александар Вучиќ синоќа прогласи изборна победа.