Избори во Србија: До 18 часот излегоа повеќе од 40 отсто гласачи

БЕЛГРАД

До 18 часот на изборите во Србија излегоа 40,82 отсто од гласачите, додека проценката е дека заедно со Косово излегле 42 отсто гласачи, соопшти вечерва Републичката изборна комисија на конференцијата за медиуми Републичката изборна комисија (РИК), јавува Агенција Анадолија (АА).

Не се забележани поголеми неправилности во текот на досегашното гласање.

Во Србија денес се одржуваат редовни парламентарни, покраински и локални избори, на кои право на глас имаат 6.584.376 граѓани, кои можат да гласаат до 20 часот, кога се затвораат избирачките места.

За членовите на избирачките одбори на изборните места задолжително е носењето на заштитни маски и ракавици, додека на гласачите им се препорачува да ги носат.