Во Албанија започна самитот на Европската политичка заедница

ТИРАНА (АА) - Шестиот самит на Европската политичка заедница започна во Албанија под мотото „Нова Европа во нов свет“, на кој учествуваат шефови на држави и влади, како и претставници на големи меѓународни институции, јавува Анадолу.

Премиерот на Албанија, Еди Рама, ги поздрави лидерите и функционерите на плоштадот „Скендербег“ во Тирана, вклучително и претседателот на Турција, Реџеп Таип Ердоган.

На самитот присуствуваат лидери на земјите членки на ЕУ, земји од регионот, како што се Северна Македонија, Косово, Црна Гора, Србија, Босна и Херцеговина и други европски земји, како и лидери на институциите на ЕУ и претставници на НАТО, ОБСЕ и Советот на Европа.

Дискусии ќе се одржат во неколку тематски сесии на високо ниво, со фокус на безбедноста и демократската одржливост на Европа, економската конкурентност и безбедноста, сложената динамика на миграцијата и на војната меѓу Русија и Украина.

На крајот на самитот прес-конференција ќе одржат премиерот на Албанија, Еди Рама, и премиерката на Данска, Мете Фредериксен, чија земја ќе биде домаќин на следниот Самит на Европската политичка заедница.