شه‌پۆلێكی به‌فر بارین هه‌رێمی كوردستانی گرته‌وه‌

ھەولێر - AA

لە درەنگانی شەوی رابردووە شەپۆلێکی بەفربارین ھەرێمی کوردستانی گرتووەتەوە.

بەفربارینەکە سەرەتا لە ناوچە شاخاوییە سنوورییەکان دەستی پێکرد و پاشان کاریگەرییەکەی بەھێزتر بوو و تەواوی ناوچەکانی ھەرێمی کوردستانی گرتووەتەوە.

بەفر لە ھەولێر دوای چەندین ساڵ باری و بەرزاییەکانی دەوروبەری پایتەختی سپی پۆش کرد، بەڵام شەپۆلەکە لە دھۆک و سلێمانی بەھێزترە و سەنتەری شاری سپی پۆش کردووە.

پێشتر بەڕێوەبەرایەتی کەشناسی ھەرێم، بڵاویکردەوە کە بارستە ھەوایەکی سارد روو لە ھەرێمی کوردستان دەکات و پلەکانی گەرما نزم دەبنەوە و بەفربارین ناوچە شاخاوییەکان و سەنتەری پارێزگاکان دەگرێتەوە.

بەپێی پێشبینییەکان، ئەو شەپۆلە تا سبەی ھەینی، بەردەوام دەبێت و ئاسمان ھەور دەبێت لەگەڵ بارینی بەفر لە تەواوی ناوچەکانی ھەرێمی کوردستان بە سەنتەری پارێزگاکانیشەوە، لەکاتەکانی دوانیوەڕۆی سبەی لە ھەندێک ناوچە باران بە تێکەڵی لەگەڵ بەفر دەبێت و پاشان لە درەنگانی شەودا کاریگەری ئەم شەپۆلە کەم دەبێتەوە و کەشەکە بەرەو جێگیربوون دەڕوات.