یارییەکانی تۆپی سەبەتە لە ١٣ هۆڵ بەڕێوەدەچن

ئیستانبوڵ -

یارییەکانی وەرزی ٢٠٢١-٢٠٢٢ی خولی تورکیا بۆ تۆپی سەبەتە (Basketbol Süper Ligi) لە ١٣ هۆڵی وەرزشیی ئەنجام دەدرێن.

هۆڵی وەرزشیی سینان ئەردەم کە میوانداری یارییەکانی ئانادۆڵو ئەفەس و گالاتاسارای نەف دەکات، هۆڵێکە توانای لەخۆگرنتی زۆرترین جەماوەری هەیە.

هۆڵی وەرزشیی سینان ئەردەم کە گەورەترین هۆڵی وەرزشیی تورکیایە، میوانداری پاڵەوانێتیی جیهانی تۆپی سەبەتەی ٢٠١٠ و یارییەکانی پاڵەوانێتی تۆپی سەبەتەی ئەورووپا ٢٠١٧ی کردووە، لەگەڵ یارییەکانی چوارگۆشەی زێڕینی ٢٠١٢ و ٢٠١٧ی لیگی ئەورووپا.

یارییەکانی تۆپی سەبەتە لەنێوان ئانادۆڵو ئەفەس و گالاتاسارای نەف لە خولی تورکیا بۆ تۆپی سەبەتە (Basketbol Süper Ligi) و جامی ئەورووپا لەم هۆڵەدا بەڕێوەدەچێت کە توانای لە خۆگرتنی ١٦ هەزار کەسی هەیە.

- هۆڵی چالاکییە و وەرزشییەکانی ئولکەر لە پلەی دووەمدایە

لە ریزبەندی هۆڵەکان بۆ توانای لە خۆگرتنی جەماوەر لە یارییەکانی وەرزی نوێدا، هۆڵی چالاکییە و وەرزشییەکانی ئولکەر لە پلەی دووەمدایە.

ئەو هۆڵەی یارییەکانی نێوان فەنەرباهچە بەکۆ و باهچەشەهیر کۆلێجی تیادا دەکرێت، توانای لەخۆ گرتنی ١٢ هەزار و ٦٨٧ کەسی هەیە.

هۆڵی وەرزشیی ئەنقەرە کە یارییەکانی تورک تیلیکۆم و ئۆ جی ئێم ئۆرمانسپۆر تیادا ساز دەکرێت لە پلەی سێیەمدایە کە توانای لەخۆگرتنی نۆ هەزار و ٩٨٤ کەسی هەیە.

- هۆڵەکان و تواناکانیان

ئەو هۆڵانەی یارییەکانی وەرزی ٢٠٢١-٢٠٢٢ی خولی تورکیا بۆ تۆپی سەبەتە (Basketbol Süper Ligi)یان تیادا ساز دەکرێت و تواناکانیان؛ بەم شێوەیەی خوارەوەن: