جامی سانتیاگۆ بێرنابیۆ بۆ تۆپی پێ

زەینەدین زیدانی راهێنەری یانەی ریاڵ مەدریدی ئیسپانی، یاری بە ئینزۆی کوری دەکات.

لەمیانەی یارییەکی دۆستانەدا لەچوارچێوەی یارییەکانی جامی سانتیاگۆ بێرنابیۆ، یانەی ریال مەدرید بە ئەنجامی ٥-٣ لە یانەی رێمسی فەڕەنسی بردەوە.

گۆڵەکانی یانەی ریال مەدرید لە خولەکەکانی ١٠، ٣٨، ٤٤ ،٥٩ و ٨٠ لەلایەن یاریزانان ناچۆ، سێرگیۆ رامۆس، مۆڕاتا، خامیس رۆدریگێز و دیاز تۆمارکران.

گۆڵەکانی یانەی رێمسیش لە خولەککانی ٨، ٤٧ و ٧٣ لەلایەن یاریزانان شاڤاریا، ریمی ئودین و گریخۆین کاییەوە تۆمارکران.

لەو یارییە ئامادەکارییەدا کە بەر لە دەستپێکردنی خولی پلە یەکی ئیسپانی ئەنجامدرا، زیدان لە خولەکی ٦٢ەوە ئینزۆی کوری خۆی هێنایە نێو یاریگا لە جێگەی جەیمس رۆدریگێز.