ھەرێمی کوردستان.. ٩١٢ کەسی دیکە تووشی ڤایرۆسی کۆرۆنا بوون

هەولێر - AA

وەزارەتی تەندروستیی هەرێمی کوردستان لە راگەیەنراوێکدا، ئاماری ٢٤ کاتژمێری رابردووی تایبەت بە ڤایرۆسی کۆرۆنای نوێ (COVID-19)ی بڵاوکردەوە.

وەزارەتی تەندروستیی هەرێمی کوردستان لە راگەیەنراوەکەیدا ئاماژەی بەوەداوە کە "لە میانی ٢٤ کاتژمێری رابردوودا، ٩١٢ تووشبووی نوێی کۆرۆنا تۆمارکراوە، ١٩٤ کەس چاکبوونەتەوە و ٢٠ کەسیش بەهۆی ڤایرۆسەکەوە گیانیان لەدەستداوە".

وەزارەتی تەندروستیی هەرێمی کوردستان راشیگەیاند کە کۆی گشتی ژمارەی تووشبووان بە ڤایرۆسی کۆرۆنا لە هەرێمی کوردستان گەیشتە ٥٨ هەزار و ٢٧٧ تووشبوو.

راشگەیەندرا کە کۆی ژمارەی ئەو نەخۆشانەی دوای تووشبوونیان بە ڤایرۆسی کۆرۆنا لە هەرێمی کوردستان گیانیان لەدەستداوە گەیشتووەتە دوو هەزار و ٦٠ کەس.

وەزارەتی تەندروستیی هەرێمی کوردستان ئاشکراشی کرد کە "٥٤١ هەزار و ٨٦٧ پشکنینی ڤایرۆسی کۆرۆنای نوێ ئەنجامدراوە و تا ئێستا ٣٥ هەزار و ٨٩٩ کەسیش لە ڤایرۆسی کۆرۆنای نوێ چاکبوونەتەوە".