عێراق
دەستگیرکردنی سێ تیرۆریست لە ناوەڕاستی عێراق
ھێزە ئەمنییەکانی عێراق سێ تیرۆریستییان لە پارێزگای بەغدا ناوەڕاستی ئەو وڵاتە، دەستگیرکرد.
Zana Natık Kerem |
06.12.2021 - نوێکردنەوە : 06.12.2021
Arbil
ھەولێر ــ AA
ھێزە ئەمنییەکانی عێراق سێ تیرۆریستییان لە پارێزگای بەغدا ناوەڕاستی ئەو وڵاتە، دەستگیرکرد.
فەرماندەیی پۆلیسی بەغدا لە راگەیەندراوێکدا ئاماژەی بەوەداوە کە پشت بەستن بەزانیارییە ھەواڵگرییەکان، ھێزە ئەمنییەکان لە خاڵی پشکنینی شەعب باکووری پارێزگای بەغدا، دوو تیرۆریستیان دەستگیرکردووە.
ئەوەیش خراوەتەڕوو کە ھەروەھا پشت بەستن بە زانیارییە ھەواڵگرییەکان، ھێزە ئەمنییەکان لە خاڵی پشکنینی ئەبوغرێب رۆژئاوای پارێزگای بەغدا، تیرۆریستێکیان دەستگیرکردووە.
لە راگەیەندراوەکەدا باس لەوەشکراوە کە تیرۆریستە دەستگیرکراوەکان، بەپێی ماددەی چوار تیرۆر داواکرابوون و ھاتووە "دەستگیرکراوەکان رەوانەی لایەنە پەیوەندیدارەکان کراون، بۆ ئەوەی رێوشوێنی یاسایی لەبەرامبەریان بگیرێتەبەر".
