خاپوورکردنی ھەشت حەشارگەی داعش لە کەرکووک ڕاگەیاندرا

شانەی ڕاگەیاندنی ئەمنیی عێراق ڕایگەیاند کە ھەشت حەشارگەی تیرۆریستانی داعش لە پارێزگای کەرکووک، لەلایەن فڕۆکە جەنگییەکانی عێراقەوە خاپوورکراون.

شانەکە لە ڕاگەیاندراوێکدا ئاماژەی بەوەداوە کە ئەمڕۆ دووشەممە، پشت بەستن بە زانیاریی ھەواڵگرییەکان، فڕۆکە جەنگییەکانی عێراق ھەشت حەشارگەی تیرۆریستانی داعشیان لە ناوچەی دۆڵی زەغیتون باشووری پارێزگای کەرکووک بۆردومان کردووە.

ھەروەھا شانەی ڕاگەیاندنی ئەمنیی عێراق ڕاشیگەیاندووە کە لە ئاکامی بۆردومانەکەدا، ھەشت حەشارگەکە خاپوورکراون.