هەولێر - AA

لە چوارچێوەی سەردانەکەی بۆ هەولێر، جێگری سەرۆکی پارتی داد و گەشەپێدان (ئاک پارتی) و پەرلەمانتاری تورکیا لە بازنەی ئیستانبوڵ زافەر سراکایا سەردانی یەکگرتووی ئیسلامیی کوردستانی کرد و لەلایەن ئەمینداری گشتی ئەو حزبە سەڵاحەدین محەمەد بەهائەدین و ئەندامانی مەکتەبی سیاسیی پێشوازی لێکرا.

لە دیدارێکدا گفتوگۆ لەبارەی پەیوەندییەکانی هەردوولا کرا و بیر و ڕا لەبارەی پتەوکردنی پەیوەندییەکانییان ئاڵوگۆڕکرا.

ئەمە لە کاتێکدایە کە دوێنێ یەکشەممە جێگری سەرۆکی پارتی داد و گەشەپێدان (ئاک پارتی) زافەر سراکایا لە ڕێگای فڕۆکەخانەی نێودەوڵەتی هەولێر گەیشتە هەرێمی کوردستان و زنجیرەیەک سەردان و دیداری بۆ لای لایەنە سیاسییەکان ئەنجام دا.