Sarmand Hameed
22 تەمووز 2021•نوێکردنەوە: 22 تەمووز 2021
هەولێر - AA
لە چوارچێوەی بەخشینە داراییەکانی ئەمریکا، حکوومەتی ئەو وڵاتە بڕی ٥٠ ھەزار دۆلاری بۆ مۆزەخانەی سلێمانی تەرخان کرد.
بەگوێرەی هەواڵێک کە لە پەیجی کۆنسوڵخانەی گشتیی ئەمریکا لە هەولێر لە تۆڕی کۆمەڵایەتی فەیسبووک بڵاوکراوەتەوە، حکوومەتی ئەمریکا بڕی ٥٠ ھەزار دۆلاری بۆ مۆزەخانەی سلێمانی تەرخان کرد.
ئاماژە بەوەشدراوە کە تەرخانکردنی ئەو بڕە پارەیە بۆ دانانی پێشانگایەکی نوێیە بۆ نمایشکردنی ئەو پارچە شوێنەوارییانەی مۆزەخانەکە کە مێژووەکە یان دەگەڕێتەوە بۆ چاخی پێش مێژوو.
لە هەواڵەکەدا جەخت لەوە کراوەتەوە کە ئەمریکا بەردەوام دەبێت لە فراوانکردنی دەرفەتەکان بۆ کاری پێکەوەیی و ھەماھەنگی لەگەڵ کوردەکانمان بۆ پارێزگاریکردن لە شوێنەوارە بەنرخەکانی ھەرێمی کوردستان.
