ئاگرکەوتنەوە لە بنکەی ئاسمانیی ئیمام عەلی باشووری عێراق

ھەولێر ــ AA

ئاگر لە بنکەی ئاسمانیی ئیمام عەلی لە پارێزگای زیقار باشووری عێراق کەوتووە کە تا ئێستا ھۆکارەکەی نەزاندراوە.

میدیاکانی عێراق بڵاویانکردەوە کە ئەمڕۆ دووشەممە، ئاگر لە بنکەی ئیمام عەلی لە پارێزگای زیقار کەوتووەتەوە کە تا ئێستا ھۆکارەکەی نازاندرێت.

ئاماژەیان بەوەیشداوە کە بەھۆی تەشەنەسەندنی ئاگرەکەوە، بەشی مانەوەی کارمەندان لەگەڵ ژمارەیەک کەرەڤانە سووتاون، بەڵام زیانی گیانی نەبووە.

باسیان لەوەشکردووە کە لەئێستادا، تیمەکانی بەرگریی شارستانیی گەیشتوونەتە بنکەکە و ھەوڵەکانیان بۆ کۆنترۆڵکردن و کوژاندنەوەی ئاگرەکە، خستووەتەگەڕ.