Abdullah Shukur
20 ئاب 2018•نوێکردنەوە: 21 ئاب 2018
ئیستانبوڵ - AA
یەکێتیی تۆپی پێی ئەورووپا (UEFA) ناوی سێ پاڵێوڕاوی بۆ وەرگرتنی خەڵاتی باشترین یاریزانی ساڵ ئاشکرا کرد کە ئەوانیش بریتین لە کریستیانۆ رۆناڵدۆی پورتوگالی و محەمەد سەڵاحی میسری و لوکا مۆدریچی کرواتی.
بەپێی راگەیەنراوێکی UEFA، لە دوای ئەنجامی دەنگدانی ٥٥ رۆژنامەنووس، ٨٠ راھێنەر کە وەرزی رابردوو بەشدارییان لە پاڵەوانییەتی خولی ئەورووپا کردبوو، سێ پاڵێوڕاو بۆ ئەو خەڵاتە دیاریکراوە.
لە ئەنجامی دەنگدانەکەدا سێ یاریزانی بەناوبانگ بۆ ئەو خەڵاتە دیاریکران کە ئەوانیش بریتین لە کریستیانۆ رۆناڵدۆ لە یانەی یوڤانتوس و محەمەد سەڵاح لە یانەی لیڤەرپول و لوکا مودریچ-ی یاریزانی یانەی ریال مەدرید ئیسپانی.
ئەو سێ یاریزانە لە نێو لیستێکی ١٠ کەسی توانیانە خۆیان بگەیەنە سێ ریزبەندی یەکەم بۆ ئەو خەڵاتە کە یاریزانەکانی وەک ئەنتۆنیۆ گریزمان (ئەتلەتیکۆ مەدرید)، لیۆنێل مێسی (بارسێلۆنا)، کیلیان مباپی (پاریس سانت جێرمان)، کیڤین دی بورنی (مانچستەر سیتی)، رافایل ڤارانی، سێرگیۆ رامۆز (ریال مەدرید) و ئیدن ھازارد (چێڵسی) لە نێو ئەو لیستە دابوون.
بڕیارە لە ٣٠ ئەم مانگە لە کاتی تیروپشکی گرووپەکانی خولی پاڵەوانییەتی UEFA ناوی براوەی خەڵاتی باشترین یاریزانی پیاوی ئەمساڵ ئاشکرا بکرێ.
