پەیامێک لە سەرۆکی حکوومەتی ھەرێمی کوردستانەوە

ھەولێر - AA

سەرۆکی حکوومەتى ھەرێمی کوردستان مەسرور بارزانی رایگەیاند: "ئەرکی ئێمە دەوڵەتداری و چارەسەریی کێشەکانە و دەبێت ھەموو لایەک ھاوکار بن رێگە لە تەشەنەکردنی گرژییەکان بگیرێت".

بەپێی نووسینگەی رۆژنامەوانی سەرۆکوەزیرانی ھەرێمی کوردستان ، لە پەیامەکەی مەسرور بارزانی - دا ھاتووە: "بۆ پێکھاتەکانی ناو حکوومەتیش باشترین شوێنی گفتوگۆ و ڕاگۆڕینەوە، چوارچێوەی کۆبوونەوەی ئەنجوومەنی وەزیرانە و وەڵامی ئەو نامە و بۆچوونانەش لەوێ دەدەمەوە. ھیوادارم ھەموو لایەک دوور لە بەرژەوەندیی حیزبی، لە ئاست ئەرکی نیشتمانیمان بین تاکو پێکەوە ئەم قۆناغە سەختە تێپەڕێنین".

سەرۆکوەزیرانی هەرێمی کوردستان جەختی لەوە کردووەتەوە: "ھاووڵاتیيانی ھەرێمی کوردستان ماندوون و لە ھاتنە کایەی ئەم بارودۆخە نەخوازراو و گرژیانە نیگەرانن. ھاووڵاتیيانمان شایستەی ئەوەن زۆرترین خزمەتيیان بکەین نەک تووشی دڵەڕاوکێ بکرێن"

- دەقی پەیامی سەرۆکی حکومەتی ھەرێمی کوردستان مەسرور بارزانی

لەم چەند رۆژەدا پەیام و نامەی زۆر کەسایەتی و لایەنی بەشداربووی ناو حکومەت و دەرەوەی حکومەت و لەوانەش تیمی وەزاریی یەکێتی نیشتمانیم پێ گەیشت. ئەوەی پێویست بێت لەم رۆژانە بۆ ئاشکراکردنی ڕاستییەکان باس کراوە ، بۆیە پێویست بە بەردەوامیی وەڵام و وەڵامدانەوەکان ناکات.

ھاووڵاتیانی ھەرێمی کوردستان ماندوون و لە ھاتنە کایەی ئەم بارودۆخە نەخوازراو و گرژیانە نیگەرانن. ھاووڵاتیانمان شایستەی ئەوەن زۆرترین خزمەتیان بکەین نەک تووشی دڵەڕاوکێ بکرێن.

ئەرکی ئێمە دەوڵەتداری و چارەسەریی کێشەکانە و دەبێت ھەموو لایەک ھاوکار بن رێگە لە تەشەنەکردنی گرژییەکان بگیرێت. بۆ پێکھاتەکانی ناو حکومەتیش باشترین شوێنی گفتوگۆ و ڕاگۆڕینەوە، چوارچێوەی کۆبوونەوەی ئەنجوومەنی وەزیرانە و وەڵامی ئەو نامە و بۆچوونانەش لەوێ دەدەمەوە. ھیوادارم ھەموو لایەک دوور لە بەرژەوەندیی حیزبی، لە ئاست ئەرکی نیشتمانیمان بین تاکو پێکەوە ئەم قۆناغە سەختە تێپەڕێنین.