مووسڵ.. ٩٦ مەدەنی لەژێر كۆنتڕۆڵی داعش هەڵاتن

نەینەوا ــ AA

ئەفسەر لە سوپای عێراق، رائد ئەمیر عەبدولكەریم شەهوانی رایگەیاند كە ٩٦ مەدەنی لەژێر كۆنتڕۆڵی داعش لە رۆژئاوای مووسڵ هەڵاتوون و خۆیان گەیاندووەتە ناوچەكانی ژێر كۆنتڕۆڵی هێزەكانی پێشمەرگە.

لە لێدوانێكدا بۆ ئاژانسی ئانادۆڵو، ئەمیر عەبدولكەریم شەهوانی گوتی: "٩٦ مەدەنی كە لە نێویاندا منداڵ و ئافرەت هەیە لە گوندەكانی ئەبو ماریا، عاشق، تویم، مەجارین و تەڵ زەڵت رۆژهەڵاتی قەزای تەلەعفەر رۆژئاوای مووسڵ هەڵاتن كە هێشتا لەژێر كۆنتڕۆڵی داعش دان".

ئەفسەرەكە گوتیشی: "ئەو مەدەنییانە توانیویانە خۆیان بگەیەننە ناحیەی ئەسكی مووسڵ كە لەژێر كۆنتڕۆڵی هێزەكانی پێشمەگەردایە".

ناوبراو باسی لەوەش كرد كە هەڵاتنی ئەو مەدەنییانە بەڵگەیە لەسەر ئەوەی کە داعش كۆنتڕۆڵكردنی ئەو گوندانەی لەدەستداوە.