شنگال.. ئۆتۆمبێلێكی په‌كه‌كه‌ له‌ رێگه‌ی فڕۆكه‌ی بێفڕۆكه‌وانی چه‌كداره‌وه‌ كرایه‌ ئامانج و دوو برینداری لێكه‌وته‌وه‌

نەینەوا - AA

ئۆتۆمبێلێك كه‌ بەناو به‌رپرسی شنگالی رێكخراوی تیرۆریستی په‌كه‌كه‌، سه‌رحه‌د شنگالی تیادابوو، له‌رێگه‌ی فڕۆكه‌ی بێفڕۆكه‌وانی چه‌كداره‌وه‌ كرایه‌ ئامانج.

به‌پێی ئه‌و زانیارییانه‌ی كه‌ له‌ سه‌رچاوه‌ لۆكاڵییه‌كانه‌وه‌ ده‌ستكه‌وتوون، ده‌وروبه‌ری كاتژمێر ١٥:٣٠ ئۆتۆمبێلێک كه‌ بەناو به‌رپرسی شنگالی رێكخراوی تیرۆریستی په‌كه‌كه‌، سه‌رحه‌د شنگالی و كه‌سێكی دیكه‌ی تیادا بووه‌، له‌كاتی رۆیشتندا له‌لایه‌ن فڕۆكه‌یه‌كی بێفڕۆكه‌وانی چه‌كداره‌وه‌ كراوه‌ته‌ ئامانج.

ئه‌وه‌ش زاندراوه كه‌ سه‌رحه‌د شنگالی و ئه‌و كه‌سه‌ی له‌ ئۆتۆمبێله‌كه‌دا له‌گه‌ڵیدا بووه‌، له‌ ئه‌نجامی هێرشه‌كه‌دا برینداربوونە.

به‌پێی زانیاریی سه‌رچاوه‌كان، برینداره‌كان بۆ نه‌خۆشخانه‌ گوازراونه‌ته‌وه‌.