سەرۆکی حکوومەتی ھەرێمی کوردستان پێشوازی لە شاندێکی ھودا پار دەکات

ھەولێر ـ AA

ئەمڕۆ سێشەممە، سەرۆکی حکوومەتی ھەرێمی کوردستان، مەسرور بارزانی لە شاری ھەولێر پێشوازی لە شاندێکی ھودا پار بە سەرۆکایەتی سەرۆکی گشتی پارتەکە، ئیسحاق ساغڵام کرد.

بەگوێرەی ھەواڵێکی ماڵپەڕی حکوومەتی ھەرێمی کوردستان، لەدیدارەکەدا جەخت لە سەر گرنگی خەباتی ئاشتیخوازانەی گەلی کورد و رێزگرتن لە داخوازییە رەواکانی و چارەسەرکردنی دادپەروەرانەی پرسی کورد کرایەوە کە فاکتەری سەرەکی ئاشتی و ئارامییە لە ناوچەکەدا.

ھەروەھا ئاماژە بە بایەخی پەرەپێدانی پەیوەندیی دۆستانەی گەلی کورد و گەلانی ناوچەکە کرا.