چالاكی هونەری بەبۆنەی یادی دامەزراندنی كۆماری كوردستان

سلێمانی-AA
چالاکییەکان لەلایەن بەڕێوەبەرایەتی رۆشنبیری زانکۆی سلێمانی بەئامادەبوونی ژمارەیەکی زۆری قوتابیانی زانکۆکە لە ھۆڵی ئیسماعیل بێشکچی لەناو زانکۆکەدا بەڕێوەچوو، تێیدا چەند چالاکییەکی ھونەری و رۆشنبیری ئەنجامدران لە گوتنی شیعر و پەخشان و گۆرانی و پێشکەشکردنی میوزیک بەئامادەبووان، لەگەڵ بەستنی سیمینارێک بۆ گفتوگۆکردن لەسەر چۆنیەتی دامەزراندنی کۆماری کوردستان.
کۆماری کوردستان لە ساڵی ١٩٤٦ لە شاری مھابادی کوردستانی ئێران لەسەر دەستی پێشەوا قازی محەمەد دامەزرا، ئەم کۆمارە دوای ١١ مانگ لەلایەن دەسەڵاتدارانی ئەوکاتەی ئێرانەوە رووخێنرا.