پاکستان.. لە تەقینەوەیەکدا زیاد لە ٥٠ کەس کوژران

لە ئاکامی کردەیەکی خۆکوژی لە هەرێمی سیند-ی باشووری پاکستان لایەنی کەم ٥٠ کەس گیانیان لەدەست دا و بە دەیانی دیکەش بریندار بوون.

بەگوێرەی ئەو زانیاریانەی لە سەرچاوەکانی ئەمنی ناوچەکە وەرگیراون، تەقینەوەکە لە مەزاری زانایەکی ئاینی لە شاری سەهڤان ئەنجام درا کە بە سەدان کەس لەو کاتەدا بۆ سەردانی کردنی مەزارەکە لە ناوچەکە بوون.

راگەیەندرا کە تەقینەوەکە دوای نوێژی ئێوارە ئەنجام دراوە.

لە تەقینەوەکەش لایەنی کەم ٥٠ کەس گیانیان لەدەست دا و بە دەیانی دیکەش بریندار بوون.

تاوەکو ئێستاش هیچ لایەنێک بەرپرسیارییەتی خۆی لە تەقینەوەکە رانەگەیاندووە.