نەتەوە یەکگرتووەکان: "لە نزیکەوە چاودێری دۆسیه‌ی خاشقجی دەکەین"

نەتەوە یەکگرتووەکان - AA

نەتەوە یەکگرتووەکان رایگەیاند کە چاودێری پێشھاتەکانی لێکۆڵینەوەی کوشتنی رۆژنامەنووسی سعوودی، جەمال خاشقجی دەکات و ھەڵسەنگاندن بۆ ھەنگاوەکانی ئەنجامی لێکۆڵینەوەکان له‌م باره‌یه‌وه‌ دەکات.

گوتەبێژی سکرتێری گشتی نەتەوە یەکگرتووەکان، فەرحان حەق لە کۆنگرەی رۆژنامەوانی رۆژانەی خۆی لەبارەی پرسیارێکی پەیوەندیدار بە لێکۆڵینەوەکانی کوشتنی خاشقجی گوتی: "لە نزیکەوە چاودێری پێشھاتەکان لەمبارەیەوە دەکەین".

راشیگەیاند کە لە دوای کۆتاییھاتنی لێکۆڵینەوەکان، ھەڵسەنگاندن بۆ ئەنجامی لێکۆڵینەوەکان دەکرێ.

حەق ئەوەیشی بەبیرھێنایەوە کە سکرتێری گشتی نەتەوە یەکگرتووەکان، ئەنتۆنیۆ گوتەرێس بانگھێشتی ئەنجامدانی لێکۆڵینەوەیەکی شەفاف و خێرای کردووە.

دوای ئەوەی لە ٢ی تشرینی یەکەمی رابردوو نووسەری رۆژنامەی واشنتۆن پۆست و نووسەری سعوودی، جەمال خاشقجی بۆ مامەڵەیەکی فەرمی سەردانی کۆنسولخانەی وڵاتەکەی کرد لە ئیستانبوڵ، بێ سەروشوێن بوو و جارێکی دیکە نەبینرایەوە.

دوای ١٨ رۆژ لەو رووداوە، بەرپرسانی سعوودیە کوژرانی جەمال خاشقجی-یان لەنێو باڵەخانەی کۆنسولخانەکەدا راگەیاند و تا ئێستا شوێنی تەرمی ناوبراو نازاندرێت.