منداڵێکی تەمەن ٣ ساڵی لەگەڵ باوکی بووە قوربانی دەستی تیرۆر لە نیوزلەندا

ئەنقەرە - AA

لە ھێرشە تیرۆریستییەکەی دوێنێی شاری کرایستچەرچی وڵاتی نیوزلەندا کە لە کاتی نوێژی ھەینی کرایە سەر دوو مزگەوت، ژمارەیەکی زۆری قوربانی لێ کەوتەوە کە تەمەنیان لە نێوان ٣ تا ٧١ ساڵی دایە.

یەکێک لەو کەسانەی کە لە مزگەوتی نوور بەھۆی ھێرشەکەوە گیانی لەدەستدا، منداڵێکی سۆماڵی تەمەن ٣ ساڵە بوو بە ناوی موجاد ئیبراھیم کە پەنابەرێکی سۆماڵیە لەو وڵاتە.

برایەکی ئەو منداڵە بە ناوی عەبدی ئیبراھیم رایگەیاند کە موجاد لەگەڵ خۆی و باوکی بووە لە مزگەوت بەڵام لە دوای ھێرشەکە ونبووە و ھیچ زانیاریەکی لەبارەیەوە نەزانراوە، بۆیە ئەوانیش سەردانی نەخۆشخانەی ئەو شارەیان کردووە، بەڵام لەو شوێنەش نەیانتوانیوە بیدۆزنەوە.

عەبدی گوتی: "بۆ ئێمە بەڕاستی زۆر سەختە ھەموو کەسێک پەیوەندی دەکات و پرسیار دەکات. لە ئێستادا قبوڵکردنی ئەمە بۆ ئێمە زۆر سەختە. موجاد منداڵێک بوو کە زۆر حەزی لە یاریکردن بوو، ھەمیشە دڵخۆش و دەم بە پێکەنین بوو".

دواتریش راگەیەندرا کە موجاد لە ھێرشەکەدا گیانی لەدەستداوە.