رووسیا.. پچرانی پەیوەندی لەگەڵ فڕۆکەیەکی نەفەرهەڵگر

مۆسکۆ - AA

رووسیا رایگەیاند کە لە نیمچە دوورگەی کامچاتکا پەیوەندی لەگەڵ فڕۆکەیەکی نەفەرهەڵگری جۆری AN-26 پچڕاوە.

ئاژانسەکانی هەواڵ لە رووسیا بە پشت بەستن بە دەزگای راگەیاندنی ناوچەی وەزارەتی دۆخە لەناکاوەکانی رووسیا بڵاویان کردووەتەوە کە لە کاتی دیاریکراودا نەتوانراوە پەیوەندی لەگەڵ فڕۆکەیەکی نەفەرهەڵگری جۆری AN-26 ببەستن کە لە نیمچە دوورگەی کامچاتکا لە شاری پێترۆپاڤلۆسک-کامچاتکیەوە بەرەو شاری پالانا گەشتی کردووە.

لە هەواڵەکەدا باس لەوە کراوە کە لە فڕۆکەکەدا، ٢٢ گەشتیار و شەش تیمی فڕۆکەوانی هەن و بە هێلیکۆپتەر و فڕۆکە دەستکراوە بە کاری گەڕان و رزگارکردن.