رووسیا بە هۆکاری زیادبوونی ئاوارەکان تۆمەتبار دەکرێت

ئەنقەرە – AA

نوێنەری هەمیشەیی ئەمریکا لە نەتەوە یەکگرتووەکان، لیندا تۆماس-گرینفیڵد رووسیای بە بەرپرسار زانی لە "تۆمارکردنی ژمارەی پێوانەیی" پەنابەر و ئاوارەکان بەهۆی جەنگی ئۆکرایناوە.

گرینفیڵد بەبۆنەی رۆژی جیهانیی پەنابەرانەوە پەیامێکی بڵاو کردووەتەوە و ئاماژەی بەوە داوە کە بە ئامانجگرتنی وێستگەی کارۆئاوی و بەنداوی کاخۆڤکا لە ناوچەی خێرسۆن لەلایەن رووسیاوە، بەهۆی دروستبوونی لافاوەوە بووەتە هۆی ئەوەی ژمارەیەکی زۆر لە هاووڵاتییان دووچاری کێشە ببنەوە، دەڵێت: "سەرۆک(ی رووسیا، ڤلادیمیر) پوتین بەهۆی ئەو جەنگە بێپاساوەی لە ئۆکراینا هەڵی گیرساندووە بەرپرسی سەرەکی تۆمارکردنی ژمارەی پێوانەیی ژمارەی پەنابەر و کۆچبەرانە".

ناوبراو ئاماژەی بەوە داوە کە وڵاتەکەی زیاتر لە ١٧ ملیۆن دۆلاری بۆ هاوکاریکردنی ئاوارە و پەنابەران لە جیهان دابین کردووە، دەڵێت: "هیچ وڵاتێک بە تەنها ناتوانێت کێشەی ملیۆنان پەنابەر چارەسەر بکات، بەڵکوو ئەمە پێویستی بە هەماهەنگییە لەسەر ئاستی جیهانیدا".