لەندەن
کەناڵی بی بی سی رایگەیاند: رژێمی سوریا دەستی بە لە ناوبردنی چەکە کیمیاییەکانی خۆی کردووە.
کەناڵی بی بی سی لە زاری چاودێرانی نەتەوە یەکگرتووەکانی گواستەوە کە رژێمی سوریا بە ئامادەبوونی پسپۆڕانی رێکخراوی قەدەغەکردنی چەکی کیمیایی، دەستی بە لە ناوبردنی چەکە کیمیاییەکانی کردووە.
دوای کردنەوەی دەرگای کۆگای چەکە کیمیاییەکانی سوریا، پرۆسەی لە ناوبردنی ئەو چەکانە بە ھەماھەنگیی ئەمریکا و روسیا دەستی پێکرد.
بەھۆی بەکارھێنانی چەکی کیمیایی لە غۆتەی دیمەشق لە ٢١ی ئابی رابردوو، زیاتر لە ھەزار کەس گیانیان لەدەست دا، کە زۆر لە قوربانیەکان ژن و منداڵ بوون.
